انت جديد في المجال وطبعا مش فاهم في اية اي حاجة بس ياسيدي هبسطلك الموضوع جدا في شرح سهل اووي

انت جديد في المجال وطبعا مش فاهم في اية اي حاجة بس ياسيدي هبسطلك الموضوع جدا في شرح سهل اووي

شغل المواقع وال SEO هبسطلك الكلام دا هقولك انك بتعمل موقع وتركب عليه منصة زي ما تكون من الي موجودين بس قبل اي حاجة خلي بالك ان الكلام دا مش بتاع مكسب يوم وليلة

يعني بمعني اصح دا شغل بتستني عليه بال 4 شهور عشان تقدر انك تبقي عندك زوار لموقعك وتكسب من خلالهم ارباح من تخصصك في مجال معين

لو حابب انك تكمل في الموضوع وتفهم اكتر، في مجالات كتير طبعا بتخص الشغل علي الانترنت انا مجالي وشغلي ف SEO ودا مصدر ربحي في ناس تاني مصدر ربحها يوتيوب وفي ناس مصدر ربحها التسويق بالعمولة، وفي ناس مصدر ربحها التطبيقات والبرمجة والتصميمات سوق مفتوح انك تبحث وتقرا وتفهم وتطور من نفسك

شغل اليSEO مكسب علي المدي البعيد مش علي المدي القريب

شغل الي التسويق بالعمولة المكسب بتاعه علي حسب شطارتك وفهمك وإنك تعرف ازاي تسوق منتج

شغل اليوتيوب إنك تكون مبدع بافكار تقدر تجيب من خلالها مشاهدات لكن شغل المخالف والسكك دي جوجل عملتله إيبادة

شغل البرمجة والتطبيقات بيعتمد علي لغة البرمجة وتكون فاهمها

هحاول من خلال البوست دا إن اشرح لكم إنك تعمل موقع من الصفر لحد ما يكون عندك دخل يومي من جوجل

هقولكم خطة موقع من البداية عشان الناس يبقي عندها خلفية عن اية الي الناس بتعملة كـ صاحب موقع او بيبدء انه يعمل موقع

ودي خطة انا بمشي بيها والحمدلله بتجيب معايا نتايج كويسة وفي ناس ممكن تخليك مثلا انك تروح تشوف شرح تاني عشان متجيش علي سكته لا اشتغل واجتهد وربنا هديك وجوجل دا ولا بتاعي ولا بتاعك دا بتاع الي يقدر يشتغل

- شراء دومين

- ربطة علي حسب مقدرتك، لو استضافة مشتركة والكلام دا صدقني دا يعتبر هري في الفاضي وهقولك لية، دلوقتي الاستضافة المشتركة دي بتديلك مساحة 5 جيجا مثلا معلش إنت محتاج تركب اضافات وترفع صور ويبقي عندك سرعه اتصال لان دي من الاساسيات في نقاط SEO بالتالي 5 جيجا مع 20 جيجا باندويث مثلا الي هو الترافيك بتاعك ، مع دخول 20 زائر يومي هتلقي اعطال ووقف وحاجات بتخليك لو ليك اولولية انك تتقدم معلش هارد لك

ودي الي بيقع فيها الناس ومش فاهمها المشترك دا 40 موقع ويمكن ازيد علي نفس السيرفر لان زي ما انت محتاج نت عشان تدخل علي موقع تتصفحة جوجل محتاجاك انك تبقي علي أي بي ثابت وميكونش بيحصل في مشاكل لان اعطالك بتسببلك انك تتراجع وتتراجع والعناكب بتهملك، عشان كدا بنوجة الناس لبلوجر لان بتديلك استضافة مجانية ويعتبر اي بي خاص بيك بمعني أصح محدش هيتعارض معاك في البحث وتبقي مشابهه له ودي ميزة

- لو هتستخدم ووردبريس - هيبقي محتاج تركب الاضافات دي وظبط اعداداتها ( Yoast SEO - Inline Related Posts - WP Sitemap Page ) ولو هتستخدم اضافة كاش عشان لو سرعة موقعك بطئية w3 افضلهم الاضافات دي انا بستخدمها لنفسي ومبضفش معاهم حاجة تاني

- قالب خفيفة وبيدعم الموبايل ومفهوش اخطاء في اكواد وبيعتمد علي اكواد الاسكيما مع تظبيط شكلة

- اضافة اقسام للموقع واضافة وصف ليها وتظبيطها لو بتستخدم " ووردبريس " اما لو بلوجر في عادي هضيف القسم كانه تسميات

- هنبدء إن نكتب مقالات في مجال إنت حابب تكتب فية وهتقدر تبدع فيه وبردو تدرس الزوار بتيجي منين وكل دا من كيورد بلانر ودا بنكتب فية كلمات مثلا أزياء سواريه وهيدينا افكار للكلمات وهيبقو مثلا بالشكل دا

أزياء سواريه شيك - ازياء سواريه مودرن - ازياء سواريه 2018 - ازياء سواريه اجنبية - ازياء سواريه خليجية

كدا انا جبت 5 مقالات هبدء إن اكتب فيهم مثلا هعمل مواضيعي منسقة وفيها عناوين فرعية وأبدء إن استهدف الكلمة في المقالة أزاي استهدف الكلمة في المقالة ؟ هكرر الكلمة الي عايز اشتغل عليها في المقالة حدود 6 ل 8 مرات مع مقال 500 كلمة وطبعا هتشتغل علي حدود 5 مقالات يومية لمدة ال3 شهور واحسبها 450 مقالة جواه المقالات دي كلمات بحثية مثلاُ بتجيب 50 واحد يومي وهكذا وكل ما يكون اختيارك محدد هتقدر تجيب اكتر

وأحمد شارح بردو طريقة كتابة مقالة وأزاي تجيب كلمات متعلقة من خلال البوست دا

https://www.facebook.com/groups/ARABSEO/permalink/802920149887999/

بعد ما عملت المقالات ونزلتها علي الموقع كدا وربط المقالات المشابهه ببعضها مثلا أزياء سواريه شيك حطيتها بداخل مقال ازياء سواريه مودرن وحطيت لمودرن في خليجي وحطيت خليجي في ازياء سواريه 2018 وهكذا دول متشابهين بربطهم ببعض

هنبدء إنك تقدم الموقع في جوجل هتعمل اية بقي هتكتب site:domain.comهيطلب منك تحقق الملكية هتدخل تعمل التحقق وضيف موقعك وضيف ملف الخرائط

وبعد كدا هتظبط ملف الربوتس ودا هتلقي لية شروحات كتير علي حسب استخدامك والاحسن لك تشوف مثلا منافس ليك حاطط ملف الربوتس ازاي هضيف جمب رابط موقعه robots.txt هيظهرلك الملف بتاعه

هنبدء بقي ف الاستراتجية بتاعتنا الي هي هتصدر ازاي وهعمل اية

هضيف مقالاتك يومياً مع نشرها علي السوشيال ميديا وهي كالاتي > جوجل بلس - تويتر - بنترست - لينكدان - تملبر - فيسبوك <

هتشتغل علي الطريقة دي لمدة شهر ونص او شهرين وبعد كدا هندخل في طريقة الباك لينك وترتيبها

لية خلينا الباك لينك اخر حاجة واشمعني ما احنا بنقول الباك لينك عامل مهم في التصدر والكلام دا كلة

الباك لينك المفروض دا يعتبر روابط خارجية لموقعك في مواقع تانية طيب ودا بيتعمل ازاي المفروض إن الزوار لو عجبهم محتوي موقعك بيشاركو لبعض في المواقع والكلام دا لكن احنا طبعا مش واخدينه ان الزائر يعملي مشاركة للرابط بتاعي لان اكتر العرب مبيدعموش النقطة دي

طيب في منتديات بتقبل إنك تخش تعمل مواضيع عندهم وتضيف لنفسك روابط

هنبدء إن نجمع داتا منتديات وتكون بدعم النشر تمام جميل الكلام دا وهنبدء إن نفحص المنتديات دي من الاسبام سكور والكلام دا كلة ونشوف الانضف فيهم ونشتغل عليهم

بعد ما نعمل الكلام دا كلة هنخش علي اضافة موضوع وهنكتب مقال مثلا عن كلمة ازياء سواريه 200 كلمة وهحط لنفسي رابط او اتنين للمقال بتاعي الي بيعتمد علي كلمة ازياء سواريه + اضافة رابط القسم باخر المقال

هتعمل عدد 4 مقالات في عدد 4 منتديات كل يوم لمقالة شكل ويكون حصرية عشان تستفاد بأكبر استفادة

يعني عندي مجموعه منتديات أ - ب - جـ - د هبدء ان ارتب المقالات بتاعتي الي نزلته في أ منزلهوش تاني لا اضيف جديد غير المحتوي الي نزل وهكذا في كل المنتديات متكررش الكلمات كتير عشان ميبقاش في ضرر عليك من الباك لينك

طيب انا عندي 500 كلمة هل هفضل اعملهم كلهم باك لينك

لا طبعا انت هتهتم بـ حوالي مثلا 20 لـ 30 كلمة تشتغل عليهم باك لينك بالطريقة الي قولنا عليها دي وف اخر كل مقال تذكر إسم القسم بتاع موقعك وتحط رابط في مقال المنتديات كدا انا اديت للمقال باك لينك واديت للقسم باك لينك طيب لية نحط القسم في المقال عشان خاطر تعمل نظام قوة للقسم ان المقال ينزل جواه يتارشف بسرعه + ياخد ترتيب لان انت مديلو باك لينك بالتالي الكلمات السهله هتقدر تمسكها بسرعه بدون اي مجهود

- والباك لينك مبيظهرش في يوم وليلة وحتي لو اداة ahrefs ظهرتلك انك لسة عامل باك لينك مش هيسمع في جوجل قبل اسبوعين تلاته هتحس الفرق

وف الاخر انت لازم تجرب وتفشل وتنجح وتفشل وتنجح لحد ما يبقي عندك خبرة من الموضوع لان هي مجرد تجارب ف عشان كدا لازم تتشجع وتبدء تجرب بنفسك عشان تاخد خبرة من تجربتك الي هتمر بيها في انشاء موقع واستهداف كلمات وهكذا ، انا علي قد ما قدرت وصلت ليكم المعلومة كاملة وبعتذر لو الشرح مش قد كدا :)

[ تعديل ]

إستراتيجية في بناء الباك لينك الهرمي هتلاقي احمد بردو شرح كل حاجة بالتفصيل الممل ^_^

https://www.facebook.com/groups/ARABSEO/permalink/918615981651748/